Інфармацыю пра затрыманьне актывіста «Эўрапейскай Беларусі» Уладзімера Лемеша пацьвердзіў менскі актывіст «Эўрапейскай Беларусі» Максім Вінярскі.
«Уладзімер патэлефанаваў мне а 16 гадзіне, сказаў, што яго затрымалі без тлумачэньня прычын. З таго часу ягоны тэлефон маўчыць і сам ён на сувязь не выходзіў», — паведаміла а 19 гадзіне пра Уладзімера Лемеша праваабаронца Марыя Кас’ян.
«Ведаю ня больш за тое, што паведаміў сайт „Хартыі97“. Гэта так, Лемеш затрыманы каля свайго дому і яго адвезьлі ў мясцовую міліцыю. Але за што, мне невядома. Такі актывіст сапраўды ёсьць ў нашай структуры», — сказаў Свабодзе Максім Вінярскі.
16 верасьня на кватэрах салігорскіх актывістаў «Маладога фронту» Міхася Тычыны і Івана Шылы адбыліся ператрусы, ў выніку чаго ў актывістаў забралі кампутары. Паводле зьвестак зь міліцыі, яны шукалі ў кампутарах сьляды распаўсюду парнаграфіі. Ці зьвязана затрыманьне Ўладзімера Лемеша з гэтымі падзеямі, невядома.
