Лінкі ўнівэрсальнага доступу

Ужо сёньня, 29 верасьня: дзень нараджэньня і прэзэнтацыя кнігі Адама Глёбуса


Ілюстрацыя з Календара Бахарэвіча

Ілюстрацыя з Календара Бахарэвіча

ПАДЗЕІ ДНЯ

У Менску Галерэя сучаснага мастацтва «Ў» і Кнігарня «логвінаЎ» (пр-т Незалежнасьці, 37а) ладзяць прэзэнтацыю кнігі Адама Глёбуса «Апавяданьні розных гадоў» і адкрываюць выставу «Жывапіс словамі». Пачатак а 17:30.

У Менску ў крэатыўнай прасторы «ЦЭХ» (пр. Незалежнасьці 58/6) адбудзецца прэзэнтацыя беларускамоўнай вэрсіі рамана Віктара Марціновіча «Мова». Пачатак а 19-й гадзіне.

У Менску ў Вялікай залі Белдзяржфілярмоніі арт-пэрформансам «Музыка і жывапіс» адкрываецца IX Фэстываль Юрыя Башмета. Пачатак а 19-й гадзіне.

ГЭТЫ ДЗЕНЬ У ГІСТОРЫІ

1529 – зацьверджаны першы Статут Вялікага Княства Літоўскага.

1772 – першы падзел Рэчы Паспалітай зацьверджаны Соймам.

1938 – падпісаная Мюнхенская дамова. Італія, Вялікабрытанія і Францыя пагадзіліся з анэксіяй Нямеччынай Судэцкай вобласьці Чэхаславаччыны.

1939 – зьнішчаны абраз Будслаўскай Маці Божай (адрэстаўраваны ў 1991).

1941 – масавы расстрэл нацыстамі цывільных жыхароў ва ўрочышчы Бабін Яр (цяпер у межах Кіеву).

У гэты дзень нарадзіліся:

1547 – Мігель Сэрвантэс, гішпанскі пісьменьнік.

«Лепш фарба на твары, чым пляма на сэрцы»

Сэрвантэс

1823 – беларускі і польскі паэт Уладзіслаў Сыракомля.

1891 – Аркадзь Смоліч, беларускі навуковец, палітычны і грамадзкі дзяяч.

«Каб Беларусь перастала быць краем, невядомым для саміх беларусаў».

Эпіграф да кнігі Аркадзя Смоліча «Геаграфія Беларусі»

1923 – Арсень Лабовіч, беларускі тэатразнавец, крытык.

1943 – заснавальнік польскага прафсаюзу «Салідарнасьць», а пазьней прэзыдэнт Польшчы, ляўрэат Нобэлеўскай прэміі міру Лех Валэнса.

«Якім павінен быць рэвалюцыянэр будучыні? Яго наогул не павінна быць».

Лех Валэнса

1958 – беларускі пісьменьнік і мастак Адам Глобус.

«Над мікрараёнам лунаў

Напеў электронна-дрогкі;

Лавілі антэнныя рогі

Другі, беларускі канал;

Экранная калыханка

Плыла ў папяровым лесе;

Мігцеў пластылінавы месяц,

Працяты тэлемаланкай».

Адам Глобус. Калыханка

З КАЛЕНДАРА БАХАРЭВІЧА:

«Што за парнуха!» — абураліся ў верасьні 1897 году добрапрыстойныя буэнас-айрэсцы, пабачыўшы сьвежапаклееныя афішы тэатру «Алімпа».

XS
SM
MD
LG