Лінкі ўнівэрсальнага доступу

Кіеў: Расея праводзіць ратацыю, а не вывад войскаў з Данбасу


Расейскія вайскоўцы праводзяць ратацыю падразьдзяленьняў, а не выводзяць войскі з Украіны, заявіў афіцыйны прадстаўнік Рады нацыянальнай бясьпекі і абароны Андрэй Лысенка.

Паводле яго слоў, пацьверджаньняў вываду расейскіх войскаў з украінскай тэрыторыі ў Кіева няма.

Учора прадстаўнік НАТО, падпалкоўнік Джэй Джанзэн заявіў, што Паўночнаатлянтычны саюз зафіксаваў вывад значнай часткі расейскіх вайскоўцаў з Украіны.

Пры гэтым частка расейскіх войскаў працягвае заставацца на тэрыторыі Ўкраіны, і іх колькасьць ўсталяваць цяжка.

Акрамя гэтага, паблізу ўкраінскай мяжы па-ранейшаму дыслякаваная вялікая колькасьць расейскіх вайскоўцаў, адзначыў Джанзэн.

Масква абвяргае абвінавачваньні ўкраінскага кіраўніцтва, НАТО і шэрагу заходніх палітыкаў у падтрымцы сэпаратыстаў, якія ваююць ва Ўкраіне, а таксама ва ўдзеле ў баявых дзеяньнях на ўкраінскай тэрыторыі расейскіх войскаў.

XS
SM
MD
LG