ПАДЗЕІ ДНЯ
Саюз беларускіх пісьменьнікаў запрашае на ўрачыстую цырымонію ўзнагароджаньня пераможцаў літаратурнага конкурсу «Эксьлібрыс» імя Аляксандра Ўласава ў крэатыўную прастору ЦЭХ (пр. Незалежнасці, 58), корпус 6. Пачатак у 18.30. Уваход вольны.
Кіраўнік Украіны Пятро Парашэнка дасьць сваю першую на пасадзе прэзыдэнта краіны прэс-канфэрэнцыю для журналістаў.
ГЭТЫ ДЗЕНЬ У ГІСТОРЫІ
1921 – у Празе пачалася Першая Ўсебеларуская канфэрэнцыя. Прысутнічалі 37 дэлегатаў ад арганізацый і партый Заходняй Беларусі ды шмат якіх краінаў Эўропы. Канфэрэнцыя пацьвердзіла, што адзіным заканадаўчым органам для Беларусі зьяўляецца Рада Беларускае Народнай Рэспублікі.
1971 – адкрыцьцё мэмарыяльнага комплексу «Берасьцейская крэпасьць – герой»
У гэты дзень нарадзіліся:
1765 – Міхал Клеафас Агінскі, вялікалітоўскі дзяржаўны дзяяч, дыплямат, кампазытар.
1875 – Сяргей Паўловiч, багаслоў, пэдагог, перакладчык, дзяяч у галіне царкоўнае асьветы.
1887 – Уільям Фолкнэр, амэрыканскі пісьменьнік, ляўрэат Нобэлеўскай прэміі ў літаратуры.
1906 – Дзьмітры Шастаковіч, расейскі кампазытар.
1913 – Сяргей Грахоўскі, беларускі паэт. Сяргей Грахоўскі зьяўляецца аўтарам верша «Ветразь», дзе наўмысна ня ўжытае ніводнае слова, якое было б сугучнае са словам у расейскай мове:
У выраі ветразь зьнікае
За хваляй, нібы на спачын,
І змора яго не зьлякае,
Ня спыніць тугой далячынь.
У змроку зіхоткая здрада
Завабіць хлусьнёй у віры,
На золку сканае прынада
І кволы прамень на жвіры.
Раптоўна згаданыя мроі
Ў карунках пяшчотнай тугі
Павольна зьнікаюць, як строі,
У бязважкасьці кволай смугі.
Зьнікае ўсхвалёваны ветразь:
З кунегаю пільна сачу,
Як водар аздобіў паветра,
І ў бездані зьнічкі лічу.
1938 – Вячаслаў Целеш, беларускі мастак, дзяяч беларускай дыяспары ў Латвіі.
1951 – Пэдра Альмадовар, гішпанскі кінэматаграфіст.
1962 – Алесь Бяляцкі, старшыня праваабарончага цэнтру «Вясна».
З КАЛЕНДАРА БАХАРЭВІЧА
Пастой, паравоз. З календара Бахарэвіча: 25 верасьня 1924 адбыўся напад на цягнік каля Лунінца