Пры галасаваньні ў ніжняй палаце парлямэнту ягоную кандыдатуру падтрымалі 233 дэпутаты, 143 былі супраць, 62 – не галасавалі.
Сікорскі не ўвайшоў у склад новага ўраду, сфармаванага новым прэм'ер-міністрам Эвай Копач, якая раней займала крэсла сьпікера Сэйму. Паводле Канстытуцыі Польшчы, старшыня Сэйму – другая паводле значнасьці пасада ў дзяржаве пасьля прэзыдэнта, аднак, на практыцы кіраўнік ураду валодае большай уладай.
Сікорскі, які атрымаў вядомасьць як востры крытык умяшаньня Расеі ў справы былых савецкіх рэспублік, ужо некалькі гадоў зьяўляецца адным з самых прыкметных польскіх палітыкаў на сусьветнай арэне.
Ён жанаты з Эн Эплбаўм – амэрыканскай і брытанскай журналісткай, пісьменьніцай, уладальніцай Пулітцэраўскай прэміі (2004) за кнігу пра савецкі Гулаг.
