У кастрычніку ў Беларусі будзе працаваць чарговая місія МВФ.
Пра гэта паведаміў журналістам прэм’ер-міністар Беларусі Міхаіл Мясьніковіч пасьля сустрэчы ў Нью-Ёрку з намесьнікам выканаўчага дырэктара Міжнароднага валютнага фонду Чжу Мінем.
«Нашы спэцыялісты будуць сустракацца з пэрсаналам фонду, для таго каб выходзіць на выніковы дакумэнт, канчатковая мэта якога — гэта новая праграма МВФ для Беларусі», — заявіў Мясьніковіч.
Прэм’ер-міністар Беларусі адзначыў, што беларускі бок ня ставіць на першае месца пытаньне выдзяленьня якіх-колечы фінансавых сродкаў, хоць яно і актуальнае:
«Праца з фондам нам у пэўнай ступені патрэбная як пазытыўны сыгнал для прыватных інвэстараў, якія маглі б актыўна працаваць у Беларусі».
Намесьнік выканаўчага дырэктара МВФ таксама адзначыў пазытыўныя зьмены ў эканоміцы Беларусі, валютным рэгуляваньні, паведамляе БЕЛТА.