Лінкі ўнівэрсальнага доступу

Міжнародны прарыў Мясьніковіча ў Нью-Ёрку


Міхаіл Мясьніковіч

Міхаіл Мясьніковіч

Кіраўнік ураду Беларусі ў Нью-Ёрку сустрэўся зь лідэрамі і кіраўнікамі ўрадаў Манголіі, Ірану, Таджыкістану, Туркмэністану, Славэніі.

Прэм’ер-міністар Беларусі Міхаіл Мясьніковіч у кулюарах кліматычнага саміту ААН правёў двухбаковыя сустрэчы з кіраўнікамі дзяржаў і ўрадаў замежных краін.

Як перадае БелТА, Мясьніковіч сустрэўся з прэзыдэнтам Манголіі Цахіягійнам Элбэгдоржам і абмеркаваў ход падрыхтоўкі візыту мангольскага лідэра ў Беларусь і адкрыцьця беларускай амбасады ва Ўлан-Батары.

Падчас перамоваў з прэм’ер-міністрам Таджыкістану Кахірам Расулзада Міхаіл Мясьніковіч прапанаваў таксама арганізаваць ягоны візыт у Беларусь, які мог бы адбыцца ў лістападзе-сьнежні гэтага году.

Зь першым віцэ-прэм’ерам Туркмэністану Рашыдам Мэрэдавым кіраўнік беларускага ўраду абмеркаваў падрыхтоўку заплянаванага на кастрычнік візыту ў Беларусь прэзыдэнта гэтай краіны Гурбангулы Бэрдымухамэдава.

Акрамя таго, адбыліся гутаркі Міхаіла Мясьніковіча з прэзыдэнтам Ірану Хасанам Рухані і прэзыдэнтам Славеніі Борутам Пахарам.

Паказаць камэнтары

XS
SM
MD
LG