Лінкі ўнівэрсальнага доступу

Неабходна дамовіцца пра рэалізацыю пагадненьня аб спыненьні агню — Кучма


У Менску ў 19 гадзін пачалося чарговае пасяджэньне трохбаковай кантактнай групы па ўрэгуляваньні сытуацыі на ўсходзе Ўкраіны.

Экс-прэзыдэнт Украіны Леанід Кучма, які прыбыў на пасяджэньне, паведаміў журналістам, што неабходна дамовіцца пра рэалізацыю ранейшага пагадненьня аб спыненьні агню.

На пытаньне, ці зьявяцца прадстаўнікі АБСЭ на ўкраінска-расейскай мяжы, каб не было пранікненьня баевікоў на тэрыторыю Ўкраіны, Кучма сказаў, што «мы цісьнем і працуем, каб АБСЭ рэальна ў гэтым брала ўдзел».

На пытаньне карэспандэнта Свабоды, хто будзе плаціць за аднаўленьне Данбасу — Расея ці Ўкраіна, Кучма сказаў: «Дамовімся».

Карэспандэнтка «Лайфньюс» спыталася: што будзе рабіць украінскі бок, калі ЛНР і ДНР ня хочуць быць у складзе Ўкраіны? На гэтае пытаньне Кучма адказаў: «Едзьце на Каўказ і там задавайце гэтыя пытаньні».

На сустрэчу пасьля Кучмы прыехалі прадстаўнікі самаабвешчаных ЛНД і ДНР Аляксей Каракін, Ігар Платніцкі, Аляксандар Захарчанка і Андрэй Пургін.

Раней прыбылі прадстаўніца АБСЭ Гайдзі Тальявіні і пасол Расеі ва Ўкраіне Міхаіл Зурабаў.

Прадстаўнікі сэпаратыстаў

Прадстаўнікі сэпаратыстаў

Кантактная група АБСЭ

Кантактная група АБСЭ

Міхаіл Зурабаў

Міхаіл Зурабаў

Паказаць камэнтары

XS
SM
MD
LG