ПАДЗЕІ ДНЯ
У Мэмарыяльным музэі-майстэрні Заіра Азгура (Мінск, вул. З.Азгура, 8) адбудзецца ўорк-шоп для дзяцей «Робім старонку кніжкі». Заняткі для дзяцей узростам ад 10 гадоў пачнуцца а 14.00 і працягнуцца 90 мінут.
21 верасьня — Міжнародны дзень міру. У Маскве апазыцыя адзначыць гэтую дату «Маршам міру». Акцыі салідарнасьці пройдуць таксама ў Кіеве, Празе, іншых гарадах.
«Мы патрабуем спыненьня безадказнай агрэсіўнай палітыкі расейскай улады. Гэтая палітыка ня толькі прынесла вайну на зямлю Ўкраіны, каштавала жыцьця ўжо тысячам украінцаў і расейцаў. На ўкраінскай зямлі гінуць і трапляюць у палон вайскоўцы расейскай арміі, у тым ліку тэрміновай службы; гэта ўжо прамое, ня закамуфляванае ваеннае ўварваньне, якому няма апраўданьня», — гаворыцца ў заяве арганізатараў акцыі ў Фэйсбуку.
ГЭТЫ ДЗЕНЬ У ГІСТОРЫІ
1801 — створана Гарадзенская губэрня (замест ліквідаванай Літоўскай); існавала да 1921 году.
1939 — пасьля 2-дзённых баёў з палякамі Чырвоная Армія заняла Горадню.
У гэты дзень нарадзіліся:
1902 — Пётра Мiрановч, беларускі мастак. Вучыўся у Латвійскай акадэміі мастацтваў і Аўстрыйскай акадэміі мастацтваў. З 1950 году жыў ў Нью-Ёрку. Памёр у 1990.
1918 — Фёдар Янкоўскі, беларускі мовазнаўца і пісьменьнік. Сябар Саюзу беларускіх пісьменьнікаў з 1968 году. З 1983 — прафэсар катэдры беларускага мовазнаўства. Складальнік зборнікаў крылатых словаў і афарызмаў, прыказак і прымавак, параўнаньняў, фразэалягізмаў.
1923 — Мікалай Барысевіч, беларускі фізык, акадэмік Нацыянальнай Акадэміі навук Беларусі (1969) і Акадэміі навук СССР (1981). Заслужаны дзеяч навукі Беларусі.
1934 — Леанард Коэн, канадзкі сьпявак і кампазытар.
Скажаш быць каханкам — калі ласка
Ўсё, што ў смак табе
Скажаш іншым быць, надзену маску:
Як маньяк табе?
Можаш мне разьбіць ушчэнт машыну
Можаш учыніць свайму мужчыну
Мардабой —
Я ўвесь твой
Загадай баксёрам быць
На рынг пайду грамілаю
Загадай шафёрам быць
Куды паедзем, мілая?
Пагуляць у доктара хацела?
Адкажу за кожны лапік цела
Галавой
Я ўвесь твой
Леанард Коэн, фрагмэнт песьні «I’m Your Man» (пераклад Андрэя Хадановіча)
1959 — Віктар Івашкевіч, беларускі палітычны дзеяч, журналіст, адзін зь лідэраў нацыянальнага адраджэнскага руху.
З КАЛЕНДАРА БАХАРЭВІЧА