Пра гэта піша маскоўская газэта «Ведомости» са спасылкай на крыніцы ў інтэрнэт-кампаніях, расейскіх апэратарах сувязі і спэцслужбах.
Пытаньне аб новых мерах бясьпекі ў галіне інтэрнэту будзе разгледжанае, магчыма, ужо ў панядзелак на нарадзе Савета бясьпекі Расеі з удзелам Уладзімера Пуціна.
Паводле зьвестак выданьня, апэратарам могуць даць распараджэньне наладзіць абсталяваньне такім чынам, каб расейскі сэгмэнт інтэрнэту можна было апэратыўна ізаляваць ад сусьветнай сеткі ў выпадку надзвычайных сытуацый, такіх як ваенныя дзеяньні ці пратэстныя выступы ўнутры краіны.