Менск — У мастацкай галерэі «Унівэрсытэт культуры» (Кастрычніцкая плошча,1, Палац Рэспублікі) адкрыецца выстава Ганны Сілівончык «Шыварат-навыварат». Пачатак 18.00
Лёндан — сусьветная прэм’ера спэктаклю «Кошт грошай» Беларускага свабоднага тэатру. Тэатар Albany, жывая трансьляцыя на сайце Свабоды, пачатак 21.30 паводле беларускага часу.
Гэты дзень у гісторыі:
1794 — падчас паўстаньня 1794 году расейскія войскі разьбілі пад Берасьцем атрады Рэчы Паспалітай.
1888 — у Бэльгіі на курорце Спа прайшоў першы ў гісторыі конкурс прыгажосьці.
1939 — Чырвоная армія заняла Вільню.
1946 — выступ Уінстана Чэрчыля ў Цюрыхскім унівэрсытэце, які паслужыў пунктам адліку ў стварэньні Рады Эўропы.
1991 — На патрабаваньне дэпутатаў Апазыцыі БНФ, Вярхоўны Савет Беларусі прыняў пастанову аб зьмене назвы Беларускай Савецкай Сацыялістычнай Рэспублікі на Рэспубліку Беларусь. Дзяржаўным гербам была зацьверджаная «Пагоня», а дзяржаўным сьцягам — бела-чырвона-белы сьцяг.
Вярхоўны Савет Беларускай Савецкай Сацыялістычнай Рэспублікі ПАСТАНАЎЛЯЕ: 1. Беларускую Савецкую Сацыялістычную Рэспубліку надалей называць «Рэспубліка Беларусь», а ў скарочаных і састаўных назвах — «Беларусь». Устанавіць, што гэтыя назвы трансьлітэруюцца на іншыя мовы ў адпаведнасьці з беларускім гучаньнем.
Закон Рэспублікі Беларусь, 19 Верасьня 1991 № 1085-XІІ
У гэты дзень нарадзіліся:
1797 — Януар Сухадольскі, беларускі мастак-баталіст.
1802 — Лаяш Кошут, вугорскі дзяржаўны дзяяч, рэвалюцыянэр, прэм’ер-міністар Вугоршчыны ў пэрыяд Вугорскай рэвалюцыі 1848-1849 гадоў.
У гэты дзень памерлі
1938 — Браніслаў Туронак, беларускі нацыянальны дзяяч.
2004 — Мікола Купрэеў, беларускі паэт, пісьменьнік.
2004 — Рыгор Рэлес, беларускі габрэйскі пісьменьнік і паэт.
Каляндар Бахарэвіча: 19 верасьня 1783 авечка, певень і качка ў Вэрсалі зьдзяйсьняюць васьміхвілінны палёт на паветраным шары