Лінкі ўнівэрсальнага доступу

Абама: Войскі ЗША ня будуць ваяваць у Іраку


Курдзкія вайскоўцы абстрэльваюць пазыцыі групоўкі Ісламская дзяржава каля гораду Масул 16 верасьня.

Курдзкія вайскоўцы абстрэльваюць пазыцыі групоўкі Ісламская дзяржава каля гораду Масул 16 верасьня.

Прэзыдэнт ЗША Барак Абама заявіў, што амэрыканскія войскі ня будуць удзельнічаць у баявых дзеяньнях у Іраку.

Абама сказаў, выступаючы ў штабе Цэнтральнага камандаваньня войскаў ЗША ў Флорыдзе 17 верасьня: «Амэрыканскія войскі, якія былі разгорнутыя ў Іраку, ня маюць і ня будуць мець баявой задачы.»

Абама таксама заявіў, што больш за 40 краін прапанавалі дапамогу ў стварэньні кааліцыю супраць экстрэмісцкай групы Ісламская дзяржава (IS).

Заява Абамы зьявілася пасьля таго як кіраўнік аб’яднанага камітэту начальнікаў штабоў генэрал Марцін Дэмпсі сказаў, што некаторыя амэрыканскія дарадцы ЗША маглі б далучыцца да іракскіх сілаў ў змаганьні з IS.

16 верасьня Дэмпсі заявіў у сэнацкім камітэце па ўзброеных сілах, што Абама будзе ацэньваць кожную сытуацыю індывідуальна, перш чым вырашыць, калі амэрыканскія ваенныя дарадцы будуць удзельнічаць у баявых дзеяньнях у Іраку.

У адказ на заяву Дэмпсі, новы прэм’ер-міністар Іраку Хайдар аль-Абадзі заявіў 17 верасьня, што ў змаганьні яго краіны супраць IS няма ані патрэбы ані жаданьня ўдзелу замежных наземных войскаў.

XS
SM
MD
LG