У Менск пройдзе фінальны Сьпеўны сход (музэй Азгура, пачатак а 18-ай).
У Шатляндыі адбываецца рэфэрэндум аб незалежнасьці.
ГЭТЫ ДЗЕНЬ У ГІСТОРЫІ
1905 — нарадзілася Грэта Гарба, швэдзкая і амэрыканская акторка. Грэта Луіса Густафсан (Гарба — яе псэўданім) прыйшла на сьвет у беднай сям’і. Калі ёй было 14 гадоў, яе бацька загінуў, і дзяўчына мусіла пакінуць школу і пайсьці на працу ў стакгольмскі ўнівэрмаг. Там заўважылі яе яркую зьнешнасьць і запрасілі зьняцца ў якасьці мадэлі для каталёгу «Тавары поштай», а потым і для трох рэклямных стужак. У 1922 годзе Грэта атрымала стыпэндыю на навучаньне ў Школе драматычнага майстэрства ў Стакгольме. Там Грэту ўбачыў швэдзкі рэжысэр Морыц Стылер, які даў ёй першую вялікую ролю ў сваёй стужцы «Сага пра Ёсту Бэрлінга». «Сага пра Ёсту Бэрлінга» стала пачаткам зорнай кар’еры шведзкай акторкі, якая на пачатку 1920-х перабралася ў Галівуд.
«Каб паказаць свае добрыя якасьці, трэба значна больш розуму, чым для таго, каб схаваць свае недахопы».
«Я ніколі не казала: „Я хачу быць адна“. Я толькі сказала: „Я хачу, каб мяне пакінулі ў спакоі“, а гэта ня тое самае».
«Лепш быць старой, чым мёртвай».
Грэта Гарба
1947 — створана Цэнтральнае разьведвальнае ўпраўленьне ў ЗША.
1970 — памёр Джымі Гендрыкс, амэрыканскі гітарыст, сьпявак і кампазытар. У 2009 годзе часопіс Time абвясціў Гендрыкса найвялікшым гітарыстам усіх часоў. Шырока прызнаны як адзін з найбольш сьмелых і вынаходлівых віртуозаў у гісторыі рок-музыкі. Пры жыцьці запісаў наступныя студыйныя альбомы: «Are You Experienced?» (май 1967), «Axis: Bold as Love» (сьнежань 1967), «Electric Ladyland» (верасень 1968)
1973 — у ААН прыняты Фэдэратыўная Рэспубліка Германія і Германская Дэмакратычная Рэспубліка.
1991 — Станіслаў Шушкевіч абраны старшынём Вярхоўнага Савету 12-га скліканьня.
1992 — памёр Ян Скрыган, беларускі пісьменьнік.
1995 — паводле загаду ўладаў Беларусі зьбіты мірны замежны паветраны шар — загінулі два чалавекі.
2012 — памёр Уладзімер Пузыня, беларускі музыка, майстар-рэстаўратар нацыянальных музычных інструмэнтаў.
Каляндар Бахарэвіча: Каму кувае ківач. 18 верасьня 1819 нарадзіўся фізык Фуко
