Лінкі ўнівэрсальнага доступу

logo-print

Ператрус у кватэры незалежнага журналіста


ілюстрацыйнае фота

ілюстрацыйнае фота

У Магілёве на кватэру да незалежнага журналіста Алеся Буракова прыйшлі міліцыянты. Паводле фрылансэра, яны вядуць агляд жытла і складаюць пратакол.

«У кватэру ўварваліся сямёра супрацоўнікаў — трое з іх у форме. Яны падаслалі нейкую жанчыну, яна пазваніла ў дзьверы. Я адчыніў і тут увальваюцца яны. Я заявіў, што супраць таго, каб здымалі на відэакамэру, але здымка працягваецца. Кіруе ўсім маёр Уладзімер Пугачоў. Я пакуль не разумею, чаго яны хочуць. Нібыта прычына ў тым, што выходзілі на «Нямецкай хвалі» публікацыі пад маім прозьвішчам«,— паведаміў праз тэлефон Алесь Буракоў.

Напрыканцы жніўня Алесь Буракоў даведаўся ад участковага міліцыянта, што магілёўскую абласную управу КДБ цікавіць, як адзін з матэрыялаў журналіста трапіў на тэлеканал «Белсат». На фрылансэра быў складзены пратакол апытаньня.

Раней сам Алесь Буракоў дамагаўся ад міліцыі, каб выявілі зламысьнікаў, якія ўзламалі ягоны сайт «Свабодны фармат».

XS
SM
MD
LG