Лінкі ўнівэрсальнага доступу

logo-print

Клічко, Чубараў, Джамілеў, Найем ідуць на парлямэнцкія выбары ад «Блёку Парашэнкі»


Пра гэта падчас зьезду партыі паведаміў адзін зь яе лідэраў Юры Луцэнка.

Лідэры Меджлісу крымскататарскага народу Рэфат Чубараў і Мустафа Джамілеў балятуюцца ў Вярхоўную Раду па сьпісе «Блёку Пятра Парашэнкі». Пра гэта падчас зьезду партыі паведаміў адзін зь яе лідэраў Юры Луцэнка.

Паводле яго словаў, яны зьвярнуліся да ўсіх «лідэраў постмайданаўскіх партыяў, каб у іх сьпісах было, прынамсі, па адным прадстаўніку ад Меджлісу крымскататарскага народа». Луцэнка адзначыў, што «ў нашым сьпісе іх будзе двое — Мустафа Джамілеў і Рэфат Чубараў».

Юры Луцэнка паведаміў таксама, што па сьпісах «Блёку Пятра Парашэнкі» балятуюцца таксама журналісты Сяргей Лешчанка і Мустафа Найем і каардынатар руху «Чесно» Сьвятлана Залішчук. Луцэнка адзначыў, што ў выпадку падтрымкі зьезду іх кандыдатуры будуць у сьпісе партыі.

Першым нумарам у сьпісе «Блёку Пятра Парашэнкі» на датэрміновых парлямэнцкіх выбарах будзе мэр Кіева, лідэр партыі «УДАР» Віталь Клічко.

Партыя «Блёк Пятра Парашэнкі» і партыя «УДАР» вырашылі на парлямэнцкія выбары ісьці сумесна.

Датэрміновыя выбары ў Вярхоўную Раду Ўкраіны адбудуцца 26 кастрычніка.

XS
SM
MD
LG