У гэтым годзе вайскова-паветраныя вучэньні мусілі адбыцца ў берагоў Аляcкі.
Пра іх адмену паведаміў прадстаўнік Аб’яднанага камандаваньня паветрана-касмічнай абароны Паўночнаамэрыканскага кантынэнта Чарльз Марш.
Па ягоных словах, рашэньне аб адмене вучэньняў прынята міністэрствам абароны ЗША і прэм’ер-міністрам Канады Стывенам Харперам у сувязі з сытуацыяй ва Ўкраіне.
Сумесныя вучэньні «Пільны арол» праводзіліся ЗША, Канадай і Расеяй штогод з 2007 года. Мэта гэтых вучэньняў заключаецца ў падрыхтоўцы вайскова-паветраных сіл трох краінаў да перахопу самалётаў, захопленых тэрарыстамі. На вучэньнях 2013 адпрацоўваўся сцэнар, паводле якога ўгнаныя самалёты аказваліся ў паветранай прасторы Расеі і ЗША.
У гэтым годзе ў вучэньнях мусілі прыняць удзел сілы самааброны Японіі.
