Пра гэта паведаміў прэзыдэнт Украіны Пятро Парашэнка.
«У выніку перамоваў з палону баевікоў вызвалена ўчора 21 і яшчэ 36 украінскіх вайскоўцаў. Час перамір’я дае нам магчымасьць вызваліць нашых хлоцаў, узмацніць войска, збудаваць магутную лінію абароны і абараніць гарады і сёлы», — піша Парашэнка.
8 верасьня прэзыдэнт Украіны заявіў, што пасьля абвяшчэньня перамір’я ўдалося вызваліць 1200 украінскіх палонных і закладнікаў.
5 верасьня ў Менску кантактная група Ўкраіна-Расея —АБСЭ падпісала пратакол пра неадкладнае спыненьне вагню з 18 гадзінаў па менскім часе на Ўсходзе Ўкраіны. Пратакол мае 12 пунктаў і прадугледжвае сярод іншага абмен ваеннапалоннымі, забесьпячэньне гуманітарнай дапамогі, маніторынг рэжыма прыпыненьня вагню на мяжы.