Адначасова частка жылых дамоў разбурана, у іншых трэба рамантаваць дахі і замяняць разьбітыя выбухамі шыбы. Пацярпелымі і перасяленцамі займаюцца валянтэры.
Кіраўнік валянтэрскага праекту «7 лінія» ў Лісічанску Радзівон Рамашын раней працаваў дырэктарам цырку-шапіто. Ён кажа, што з пачаткам баявых дзеяньняў цырк разрабавалі сепаратысты, і трупа засталася без працы. Сам ён прыехаў у Лісічанск забраць бацькоў і застаўся працаваць валянтэрам.
Паводле актывіста, цяпер настроі ў горадзе няўстойлівыя: частка людзей радуецца вызваленьню горада, частка — чакае вяртаньня войскаў «Луганскай народнай рэспублікі».
«Раніцай стаю, палю на вуліцы, суседзі праходзяць: «прывітаньне, фашыст». А я кажу, чаму я фашыст? «Ты дапамагаеш». Каму, людзям я дапамагаю, перасяленцам дапамагаю, у гэтым ёсьць нешта злачыннае? «Вось хутка „апалчэньне“ вернецца — цябе на цэнтральнай плошчы горада і павесяць», — распавядае Радзівон.
Рэпартаж зь Лісічанску цалкам на сайце ўкраінскай службы нашага радыё.
