Лінкі ўнівэрсальнага доступу

Санкцыі ЭЗ супраць Расеі завісьлі на некалькі дзён


Прэзыдэнт Эўразьвязу Герман ван Ромпэй

Прэзыдэнт Эўразьвязу Герман ван Ромпэй

Увядзеньне новых санкцый супраць Расеі за яе ролю ва ўкраінскім канфлікце, якія былі узгодненыя 8 верасьня і мелі ўступіць у сілу 9 верасьня, было адкладзена на некалькі дзён.

Пра гэта заявіў позна ўвечары 8 верасьня прэзыдэнт Эўразьвязу Герман ван Ромпэй:

«Уступленьне ў сілу [санкцый] праз публікацыю ў Афіцыйным бюлетэні адбудзецца ў бліжэйшыя дні. Гэта дасьць час для ацэнкі рэалізацыі пагадненьня аб спыненьні агню і мірнага пляну. У залежнасьці ад сытуацыі на месцах, ЭЗ гатовы перагледзець узгодненыя санкцыі ў цэлым або ў частцы».

Амбасадары краін Эўразьвязу першапачаткова дамовіліся зрабіць санкцыі супраць Расеі больш жорсткім яшчэ на мінулым тыдні. Але Фінляндыя 8 верасьня ў апошні момант выказала свае пярэчаньні. Да гэтых пярэчаньняў, паводле польскай Gazety Wyborczej, у той самы дзень часткова далучылася Нямеччына.

Дыпляматы Эўразьвязу, якія пажадалі застацца ананімнымі, сказалі Радыё Свабода, што новыя санкцыі ўключаюць забарону на крэдыты і фінансаваньне з боку ЭЗ для найбуйнейшых расейскіх энэргетычных кампаній — у тым ліку Роснефть, Транснефть і Газпром Нефть.

XS
SM
MD
LG