Лінкі ўнівэрсальнага доступу

Эўразьвяз мае абвясьціць новыя санкцыі супраць Расеі


Эўразьвяз сёньня можа афіцыйна аб’явіць аб чацьвёртай хвалі санкцый супраць Расеі за яе дзеяньні ва Ўкраіне.

Гаворка ідзе пра захады, узгодненыя лідэрамі ЭЗ 5 верасьня ў кулюарах саміту НАТО ў Уэльсе.

Рашэньне прынятае пасьля таго, як прадстаўнікі ўкраінскай улады і прарасейскіх баевікоў дамовіліся аб спыненьні агню ў спробе пакласьці канец пяцімесячная канфлікту, ахвярамі якога, паводле ацэнак, сталі 2600 чалавек.

Эўразьвяз заявіў, што новыя санкцыі могуць быць прыпыненыя, калі Масква будзе паважаць пагадненьне аб спыненьні агню і выведзе свае войскі з Украіны.

Міністэрства замежных спраў Расеі паабяцала «адрэагаваць» на ўвядзеньне новых санкцый, але не канкрэтызавала, якой будзе гэтая рэакцыя. На папярэдні этап санкцый Масква адказала забаронай на імпарт прадуктаў харчаваньня з краін Захаду.

Нягледзячы на абвяшчэньне аб спыненьні агню, паведамленьні аб новых узброеных сутычках цягам выходных паступалі з Марыюпаля і раёна аэрапорта Данецка. У выніку абстрэлу ўсходніх ускраін Марыюпаля загінула 33-гадовая жанчына.

XS
SM
MD
LG