ПАДЗЕІ ДНЯ
Міжнародны дзень распаўсюджваньня пісьменнасьці і ведаў
Менск, пасяджэньне кантактнай групы па Ўкраіне з удзелам экс-прэзыдэнта Ўкраіны Леаніда Кучмы, пасла Расеі ва Ўкраіне Міхаіла Зурабава, прадстаўніка АБСЭ Гайдзі Тальявіні і прадстаўнікоў сэпаратыстаў з усходу Ўкраіны
Уэльс, Вялікабрытанія, завяршэньне саміту НАТА
Брусэль, прадстаўнікі дзяржаваў-чальцоў Эўразьвязу абмяркуюць прапановы Эўракамісіі па новых санкцыях адносна Расеі
Брусэль, нарада міністраў сельскай гаспадаркі краінаў Эўразьвязу, абмеркаваньне мераў у адказ на харчовае эмбарга Расеі
ТАКСАМА Ў ГЭТЫ ДЗЕНЬ
1580 — у часе Інфлянцкай вайны войскі Рэчы Паспалітай на чале са Стэфанам Баторыем пасьля двухтыднёвай аблогі ўзялі Вялікія Лукі
1905 — падпісаньнем Портсмуцкай дамовы скончылася расейска-японская вайна
1914 — пачалася бітва на Марне паміж Францыяй і Нямеччынай у часе Першай сусьветнай вайны
1957 — Кубінская рэвалюцыя: паўстаньне на марской базе С’енфуэґас. У ходзе баёў загінулі каля 200 маракоў, 600 цывільных асобаў і 100 жаўнераў урадавых войскаў
Я пачынаў рэвалюцыю, маючы за сабой 82 чалавекі. Калі б мне давялося паўтарыць гэта, мне б хапіла пятнаццаці або нават дзесяці. Дзесяць чалавек і абсалютная вера. Усё роўна, колькі вас. Важна верыць і важна мець дакладны плян.
Фідэль Кастра
1958 — у ЗША ўпершыню апублікаваны раман Барыса Пастарнака «Доктар Жывага»
Несвабодны чалавек заўсёды ідэалізуе сваю няволю
Барыс Пастарнак
1972 — падчас Мюнхэнскай алімпіяды 8 тэрарыстаў палестынскае арганізацыі «Чорны верасень» узялі ў закладнікі, а потым забілі 11 ізраільскіх спартоўцаў
1981 — у Гданьску распачаўся I Нацыянальны кангрэс дэлегатаў «Салідарнасьці»
У гэты дзень нарадзіліся:
1638 — Людовік XIV, кароль Францыі, які быў на прастоле 72 гады
Дзяржава — гэта я
Людовік XIV
1860 — Кандрат Лейка, беларускі пісьменьнік і пэдагог
1879 — Іван Пуліхаў, рэвалюцыянэр, тэрарыст. Ягоным імем названая адна з вуліц Менску
1901 — Віталь Вольскі, беларускі празаік, драматург, палітычны дзеяч
1901 — Арсен Канчэўскі, дзеяч рэвалюцыйнага руху ў Заходняй Беларусі
1917 — Язэп Сажыч, беларускі грамадзка-палітычны дзеяч, старшыня Рады БНР у 1982–1997
1946 — Фрэдзі Мэрк’юры, брытанскі рок-музыка, лідэр гурту Queen
Калі вы адчулі, што значыць быць першым, то другога месца вам ужо недастаткова
Фрэдзі Мэрк’юры
З КАЛЕНДАРА БАХАРЭВІЧА
5 верасьня 1972 палестынскія тэрарысты захапілі ізраільскіх спартоўцаў на алімпіядзе ў Мюнхене
