Лінкі ўнівэрсальнага доступу

Эўропа ня здолела перашкодзіць вайне ва Ўкраіне, — Ягланд


Генэральны сакратар Рады Эўропы Турб’ёрн Ягланд лічыць, што канфлікт ва Ўкраіне зьяўляецца вынікам правалу эўрапейскіх інстытуцый, якія былі створаны пасьля Другой сусьветнай вайны для садзейнічаньня міру.

У тым ліку ён перакананы, што гэта правал і самой Рады Эўропы:

«Той факт, што гэты канфлікт разьвіўся, зьяўляецца правалам эўрапейскіх інстытуцый, якія былі створаныя пасьля Другой сусьветнай вайны, каб садзейнічаць міру і перашкодзіць новай вайне ў Эўропе. Мы аказаліся няздольнымі гэта выканаць», — сказаў Ягланд на прэс-канфэрэнцыі з кіраўніком МЗС Украіны ў Кіеве.

Разам з тым, генэральны сакратар Рады Эўропы выказаў салідарнасьць з Украінай і яе народам і падкрэсьліў, што падзеі ва Ўкраіне не зьяўляецца справай ХХІ стагоддзя, але адносяцца да мінулага.

На думку Ягланда, першым крокам для дээскаляцыі сытуацыі ва Ўкраіне павінна стаць зьніжэньне градусу рыторыкі.

XS
SM
MD
LG