Беларусы ЗША і Канады традыцыйна зьбіраюцца на сустрэчу больш за 60 гадоў, тэма цяперашняга спатканьня - "Свабода палітвязняў, свабода слова і свабода ад страху". Сустрэча арганізаваная Беларуска-Амэрыканскім Задзіночаньнем (БАЗА) і Згуртаваньнем беларусаў Канады (ЗБК).
У суботу ўдзельнікі сустрэчы адзначылі 23-ю гадавіну абвяшчэньня незалежнасьці Беларусі, паглядзелі выставу вышыванак Ірыны Верабей (Канада) і фотаздымкаў амэрыканскага дыплямата Джона Кунстадтэра "Неруш". У нядзелю пасьля богаслужбы і афіцыйнага адкрыцьця адбудзецца дыскусія пра накірункі дзейнасьці дыяспары і магчымасьці спрыяньня дэмакратызацыі Беларусі.
