Пра гэта на брыфінгу ў Нью-Ёрку паведаміў яго прэсавы сакратар Стэфан Дзюжарык.
«Генэральны сакратар вітае пачатак перамоваў у Менску паміж лідэрамі Мытнага саюзу зь Беларусі, Казахстану і Расейскай Фэдэрацыі і прэзыдэнтам Украіны пры ўдзеле прадстаўнікоў Эўрапейскага саюзу», — падае словы Дзюжарыка Цэнтар навінаў ААН.
Пан Гі Мун спадзяецца на тое, што перамовы будуць насіць прадуктыўны характар і дапамогуць вырашыць пастаўленыя задачы як у эканамічнай галіне, так і ў тым, што тычыцца «больш шырокага палітычнага кантэксту ў сувязі з крызісам» ва Ўкраіне.
Камэнтуючы паведамленьні аб захопе ўкраінскай арміяй у палон расейскіх вайскоўцаў, прэсавы сакратар падкрэсьліў, што гэты інцыдэнт сьведчыць аб складанасьці і неадназначнасьці сытуацыі ва ўсходняй частцы Ўкраіны.