Пра гэта паведаміў сёньня кіраўнік МЗС Расеі Сяргей Лаўроў. Паводле яго, адпаведная нота ўчора была накіравана ў міністэрства замежных спраў Украіны.
Кіраўнік расейскага зьнешнепалітычнага ведамства спадзяецца, што час на ўзгадненьне маршруту дастаўкі «гуманітарнага грузу» будзе ня гэтак працяглым, як гэта было ў выпадку зь першым канвоем.
Калёна з 280 грузавікоў амаль з дзьвюма тысячамі тон грузу адправілася з Падмаскоўя ў бок мяжы з Украінай 12 жніўня. Канвой дасягнуў расейска-ўкраінскай мяжы 14 жніўня, аднак праверка на прапускным пункце на тэрыторыі Ўкраіны пачалася толькі праз тыдзень. У мінулую пятніцу каля поўдня расейскія грузавікі перасеклі мяжу без узгадненьня з украінскім бокам і рушылі ў бок Луганску. Праз суткі ўсе грузавікі пакінулі тэрыторыю Ўкраіны.
