Прэзыдэнт Украіны Пятро Парашэнка спадзяецца, што дыялёг у Менску 26 жніўня з удзелам кіраўнікоў краін Мытнага саюзу, Украіны і прадстаўнікоў ЭЗ будзе інтэнсіўны і гаворка пойдзе найперш пра мір.
«Інтэнсіўнасьць дыялёгу будзе вельмі высокая», — сказаў прэзыдэнт на сустрэчы зь міністрам замежных спраў Літвы Лінасам Лінкявічусам, паведамляе прэс-служба кіраўніка ўкраінскай дзяржавы.
Парашэнка адзначыў, што гаворка пойдзе перш за ўсё пра мір:
Я і ўкраінскі народ цьвёрда стаім на тым, што мірны плян Украіны павінен быць уведзены ў дзеяньне
«Я і ўкраінскі народ цьвёрда стаім на тым, што мірны плян Украіны павінен быць уведзены ў дзеяньне, а Пагадненьне аб асацыяцыі з ЭЗ ратыфікавана ўжо ў верасьні».
Парашэнка падзякаваў Літве за падтрымку Ўкраіны, сярод іншага — фінансавую на аднаўленьне Данбасу, і паведаміў пра намеры ЭЗ даць Украіне макрафінансавую дапамогу.
Кіраўнік МЗС Лінкявічус заявіў, што Літва і ў далейшым будзе аказваць Украіне «палітычную і маральную» падтрымку.
На 24 лістапада заплянаваны візыт у Кіеў прэзыдэнта Літвы Далі Грыбаўскайце.