Лінкі ўнівэрсальнага доступу

У Маскве абвесьцяць новы вырак па «Балотнай справе»


Замаскварэцкі раённы суд Масквы 18 жніўня мае абвесьціць прысуд па яшчэ адным эпізодзе «Балотнай справы» — у дачыненьні да тых, хто быў затрыманы падчас так званай другой хвалі, зімой і вясной 2013 года.

На лаве падсудных чатыры чалавекі: Аляксей Гаскараў, Ільля Гушчын, Аляксандар Марголін і Алена Кохтарава. Ім прад’яўленыя абвінавачваньні ва ўдзеле ў масавых беспарадках і ў прымяненьні сілы ў дачыненьні да супрацоўнікаў паліцыі падчас акцыі 6 траўня 2012 года на Балотнай плошчы ў Маскве.

Прадстаўнікі пракуратуры папрасілі для падсудных да чатырох гадоў калёніі, і толькі Алена Кохтарава, на думку дзяржабвінавачаньня, заслугоўвае ўмоўнага тэрміну.

Назіральнікі і сваякі падсудных у апраўдальны прысуд ня вераць, адвакаты кажуць пра тое, што ў ходзе судовага разбору падзеі на Балотнай плошчы так і не атрымалі належнай прававой ацэнкі.

Судовы разгляд па гэтай справе доўжыўся амаль чатыры месяцы. Былі дапытаныя дзясяткі сьведак з боку абвінавачаньня, вялікая частка зь якіх — супрацоўнікі паліцыі, прагледжаныя відэазапісы падзей на Балотнай плошчы, дасьледаваныя дакумэнты. На думку прадстаўнікоў пракуратуры, гэтыя матэрыялы пацьвярджаюць, што падзеі 6 траўня былі масавымі беспарадкамі, таксама, на іх думку, пацьвердзілася віна ўсіх падсудных. Самі падсудныя з гэтым меркаваньнем не зусім згодныя.

6 траўня 2012 года ўзгодненая з уладамі Масквы апазыцыйная акцыя завяршылася сутыкненьнямі дэманстрантаў з паліцыяй на Балотнай плошчы. Была заведзеная крымінальная справа па артыкуле «Масавыя беспарадкі». Цяпер яе фігурантамі зьяўляюцца больш за трыццаць чалавек. Аўтары незалежнага расьсьледаваньня тых падзей упэўненыя, што адказнасьць за сутыкненьні з паліцыяй ляжыць, перш за ўсё, на ўладах горада. Праваабаронцы кажуць пра палітычны падтэкст справы. Большасьць фігурантаў «Балотнага справы» праваабарончы цэнтар «Мэмарыял» прызнаў палітычнымі вязьнямі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG