У Бэрліне міністры замежных справаў Нямеччыны, Украіны, Расеі і Францыі абмяркоўваюць шляхі ўрэгуляваньня канфлікту на ўсходзе Ўкраіны.
Перад пачаткам сустрэчы кіраўнік нямецкага МЗС Франк-Вальтэр Штайнмаер падкрэсьліў неабходнасьць любой цаной пазьбегнуць наўпроставых расейска-ўкраінскіх ваенных сутыкненьняў.
Бакі канфлікту павінны паспрабаваць дамовіцца аб спыненьні агню і выкарыстоўваць любую магчымасьць для кансультацый, адзначыў міністар.
Штайнмаер, а таксама яго калегі з Францыі, Украіны і Расеі — Ляран Фабіюс, Павал Клімкін і Сяргей Лаўроў — праводзяць перамовы на віле Борзіг — у гасьцявой рэзыдэнцыі дыпляматычнага ведамства Нямеччыны.