Лінкі ўнівэрсальнага доступу

Грузія абвясьціла ў вышук экс-прэзыдэнта краіны Саакашвілі


Экс-прэзыдэнт Грузіі Міхаіл Саакашвілі абвешчаны ва ўнутраны вышук, паведаміла ў чацьвер вечарам галоўная пракуратура Грузіі.

У ведамстве адзначаюць, што раней у сувязі з выстаўленымі абвінавачваньнямі суд вынес рашэньне аб завочным арышце Саакашвілі. Ён будзе затрыманы адразу ж пасьля перасячэньня мяжы Грузіі, падкрэсьлілі ў пракуратуры.

Міхаілу Саакашвілі былі выстаўленыя абвінавачваньні па трох крымінальных справах. Ён абвінавачваецца ў перавышэньні службовых паўнамоцтваў у рамках справы аб разгоне акцыі апазыцыі ў лістападзе 2007 года, разгроме тэлекампаніі «Імеды» і канфіскацыі ўласнасьці заснавальніка тэлекампаніі Бадры Патаркацышвілі. Таксама Саакашвілі выстаўленае абвінавачваньне ў арганізацыі зьбіцьця дэпутата грузінскага парлямэнта Валерыя Гелашвілі і растраце бюджэтных сродкаў.

Саакашвілі знаходзіцца зараз за мяжой. Ён лічыць усе вылучаныя супраць яго абвінавачваніні палітычнымі ганеньнямі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG