Лінкі ўнівэрсальнага доступу

Украінскія войскі ўзялі пад кантроль трасу, па якой можа незаконна ехаць «канвой Пуціна»


Сілы Антытэрарыстычнай апэрацыі не пакінулі Расеі магчымасьці незаконна даставіць свой гуманітарны груз па кантраляванай баевікамі тэрыторыі.

Украінскія вайскоўцы ў зоне Антытэрарыстычнай апэрацыі ў Данбасе ўзялі пад кантроль ўчастак трасы каля Луганска, такім чынам зрабіўшы немагчымай дастаўку гуманітарнага грузу з Расеі незаконным шляхам.

Пра гэта паведамляе кіраўнік Цэнтра ваенна-палітычных дасьледаваньняў, каардынатар групы «Інфармацыйнае супраціў» Дзьмітрый Тымчук на сваёй старонцы ў Facebook.

«Агнявы кантроль сіламі Антытэрарыстычнай апэрацыі ўчастка трасы М-04 блізу Луганска робіць немагчымай дастаўку ў гэты населены пункт „гуманітарнай дапамогі“ з Расеі, у выпадку, калі РФ рашыцца незаконна завозіць яе па кантраляванай баевікамі тэрыторыі, груба праігнараваўшы патрабаваньні Чырвонага Крыжа, Украіны і міжнароднай супольнасьці», — піша ён.

Экспэрт падкрэсьлівае, што гэтым выкліканыя патрабаваньні Масквы ад украінскіх уладаў спыніць баявыя дзеяньні ў дадзеным раёне, і застаецца незразумелым, на якой падставе Кіеў павінен выконваць гэтыя патрабаваньні.

XS
SM
MD
LG