Але многія ў сьвеце вельмі скептычна паставіліся да запэўніваньняў Масквы, асабліва краіны былога савецкага блёку, якія маюць уласныя горкія ўспаміны пра расейскую «дапамогу» ў выглядзе вайсковых ўварваньняў.
Грузія, 1993 год
Праз год пасьля жорсткай грузіна-абхаскай вайны 1992-93 гадоў Расея накіравала так званую калёну гуманітарнай дапамогі для сэпаратысцкага гораду Ткварчэлі, які грузінскія сілы трымалі ў аблозе.
Умовы жыцьця ў Ткварчэлі былі адчайныя, і грузінскія ўлады пагадзіліся на дапамогу з боку Расеі, якая афіцыйна прыняла нэўтральную пазыцыю падчас вайны, ня гледзячы на маўклівую падтрымку сэпаратыстаў.
Але Масква, абураная ранейшай атакай Грузіі на расейскі транспартны верталёт з больш чым 50 чалавекамі на борце, таемна даставіла ў Ткварчэлі нешта большае за мэдыкамэнты і прадукты – яна даставіла туды ракеты, аўтаматы і цяжкую артылерыю. Гэта дазволіла ўзброеным сэпаратыстам у канчатковым выніку перамагчы грузінскую армію, захапіць сталіцу Абхазіі Сухумі і аб'явіць фактычную незалежнасьць.
Расейскі чыноўнік, які тады адказваў за місіі гуманітарнай дапамогі Сяргей Шайгу цяпер зьяўляецца міністрам абароны РФ.
@MiddleEast_BRK Russia also did a "humanitarian operation" in Georgia in 1993 to arm Abkhazia & South Ossetia pic.twitter.com/IsAIZvxNt7
— Андрій (@AndrijUKR) August 11, 2014
Чэхаславаччына, 1968 год
Як і папярэднія ўварваньні ў краіны-сатэліты Масквы ва Ўсходняй Эўропе, савецкае ўварваньне ў Чэхаславаччыну ў 1968 годзе было выразнай вайсковай апэрацыяй. Некаторыя крамлёўскія чыноўнікі, аднак, цынічна сьцьвярджалі, што місія мела гуманітарны характар, паколькі яна была накіраваная на захаваньне Чэхаславаччыны ад сябе самой і ад рэформаў Праскай вясны тагачаснага лідэра Аляксандра Дубчака.
20 жніўня 1968 году 200 000 войскаў Варшаўскай дамовы адначасова перасеклі мяжу і паветра Чэхаславаччыны і захапілі Прагу. Семдзесят два чэхі і славакі былі забітыя ў ходзе апэрацыі.
Oxymoron of the day: Russian Humanitarian Aid 1968, Prague pic.twitter.com/7sioWwP2IA
— Paul R. Reyes (@PaulRReyes) August 11, 2014
Вугоршчына, 1956 год
У часы адлігі падчас кіраваньня савецкага лідэра Мікіты Хрушчова краіны-сатэліты, такія як Польшча і Вугоршчына, паспрабавалі пашыраць свабоды ў межах уласных камуністычных сыстэм.
У Вугоршчыне гэта прывяло да масавых антысавецкіх дэманстрацый у кастрычніку 1956 году пад кіраўніцтвам рэфарматарскага прэм'ер-міністра Імрэ Надзя.
На працягу некалькіх дзён савецкія войскі захапілі краіну, каля 1000 танкаў увайшлі ў сталіцу Будапэшт. Каля 30 000 чалавек былі забітыя.
@DeWilcz @narkeviciute And how about the 1956 hungary Humanitarian Soviet-Invasion pic.twitter.com/t9HYH6U5dB
— Peter Riebeek (@PeterRiebeek1) August 11, 2014
Літва, Латвія і Эстонія, 1940 год
У 1939 годзе Масква аказала ціск на краіны Балтыі для падпісаньня імі пактаў узаемадапамогі, якія давалі савецкаму ўраду права разьмяшчаць вайсковыя базы ва ўсіх трох краінах.
Савецкі Саюз выкарыстаў пагадненьні для амаль адначасовых ўварваньняў, увёўшы войскі ў Літву 16 чэрвеня 1940 году, а ў Латвію і Эстонію на дзень пазьней.
Усяго за некалькіх дзён 500 000 вайскоўцаў Чырвонай Арміі занялі Балтыйскі рэгіён, захапіўшы ўсе камэрцыйныя і вайсковыя караблі, самалёты і базы. Усьлед за гэтым пачаліся масавыя дэпартацыі і палітычныя рэпрэсіі супраць «антысавецкіх элемэнтаў».
@DeWilcz @narkeviciute Russian Humanitarian Aid to Latvia 1940. Here you see the help in Riga pic.twitter.com/lKWlwfmcUX
— Peter Riebeek (@PeterRiebeek1) August 11, 2014
Воўк у авечай шкуры?
Назіральнікі цяпер высьмейваюць Расею, якая рашуча выступае супраць стварэньня калідораў дапамогі ў разрыванай вайной Сырыі, і адначасова выклікае дух гуманітарнай дапамогі ў любым іншым месцы – у прыватнасьці, ва Ўсходняй Украіне, дзе вялікая частка пакут цывільнага насельніцтва выкліканая самой Расеяй, якая падтрымлівае сэпаратысцкіх мяцежнікаў.
Remember this? --> Russia Opposed Humanitarian Aid Corridors in Syria Before It Favored Them in Eastern Ukraine http://t.co/EQDcVAvHt2
— Dmitriy (@dima7b) August 12, 2014
А іншыя папросту атрымліваюць асалоду, уяўляючы, як расейскі канвой можа незаўважна пракрасьціся ва Ўкраіну ў складзе калёны размаляваных эмблемамі Чырвонага крыжа танкаў.
Russia to Ukrainian separatists: Humanitarian aid is on the way pic.twitter.com/rFzWtUM3qI
— ian bremmer (@ianbremmer) August 12, 2014
...Або кантрабанду зброі празь мяжу...
Who had the brilliant idea to trust sb who invades all his neighbours to deliver "humanitarian aid"? #russia #putin pic.twitter.com/vJmne6EA2j
— East of Brussels (@EastOfBrussels) August 12, 2014
Або як расейцы брава маршыруюць пад выглядам Траянскіх коней:
This is how the West sees the Humanitarian aid from Russia pic.twitter.com/XAOeyuhAtV
— Russian Market (@russian_market) August 12, 2014