У Магілёве навальніца паралізавала транспартны рух ад чыгуначнага вакзалу ў цэнтар гораду.
На вуліцы Першамайскай утварыўся вялікі корак. Чарада машын, пераважна тралейбусаў і аўтобусаў, расьцягнулася на некалькі сот мэтраў. Транспарт ня мог адолець вялізную лужыну, якая ўтварылася, паводле кіроўцаў, праз забітую будаўнічым друзам каналізацыю. Ваду давялося адпампоўваць з дапамогай пажарных машын.
Гэтую частку цэнтральнай вуліцы гораду нядаўна рамантавалі, клалі новы асфальт. Будаўнічая тэхніка дагэтуль стаіць ля праезнай часткі.
У Менску залева сёньня затапіла скрыжаваньне вуліц Каліноўскага і Лагойскага тракту.
Фота Юры Малярэўскі
А таксама вуліцу Багдановіча, пра гэта паведамляюць у сацыяльных сетках.
