Міліцыя праводзіць апісаньне маёмасьці з ужо разабраных намётаў.
Майданаўцы забарыкадаваліся на тэрыторыі гарадка і падпалілі шыны. Яны ўзброіліся палкамі і шчытамі.
Міліцыя пакуль не ўмешваецца ў сытуацыю. Некаторыя міліцыянэры ўзброеныя аўтаматамі. Да Майдану працягваюць пад’яжджаць грузавікі. Пакуль працягваецца сварка паміж камунальнікамі і актывістамі, са сцэны Майдану заклікаюць жыхароў Кіева ўстаць на абарону актывістаў.
У пачатку ліпеня генэральны пракурор Віталь Ярэма даручыў кіраўніцтву МУС і СБУ прыняць меры па вызваленьні цэнтральнай часткі Кіева. Міністар унутраных спраў Арсен Авакаў таксама заяўляў, што Майдан у цяперашнім выглядзе існаваць не можа.
Пра намер «разабраць» Майдан неаднаразова заяўляў і мэр Кіева Віталь Клічко.