Параўнальна нядаўна я прачытаў апошні нумар часопіса Міністэрства абароны "Армія". Маўляў, аказваецца, у Беларусі ў 1943-м у раёне Юрцава на Аршаншчыне будаваўся бункер Гітлера пад кодавай назвай "Ольга", адкуль фюрэр нібыта меўся кіраваць апэрацыяй на Курскай дузе. Я толькі спытаўся ў сябе: чаму такая інфармацыя ня стала сэнсацыяй і няма сьведчаньняў мясцовых жыхароў, якія б не пакінулі такое будаўніцтва па-за ўвагай? І вырашыў я сам выправіцца ў вёску, што месьціцца паабапал аўтабана М-1, што зьвязвае Берасьце з Масквой...