Лінкі ўнівэрсальнага доступу

Нямеччына адклікае пагадненьне з Расеяй на пастаўкі зброі з-за крызыса ва Ўкраіне


Скульптура ў Бэрліне

Скульптура ў Бэрліне

Прыпыненае дзеяньне пагадненьня, паводле якога Расея атрымлівала ўзбраеньне для вайсковага трэніровачнага лягера. Афіцыйная прычына — паглыбленьне крызыса ва Ўкраіне.

Пра рашэньне ўладаў паведаміў віцэ-канцлер і міністр эканомікі ФРН Зігмар Габрыэль — піша «Sueddeutsche Zeitung».

Паводле дадзеных выданьня, адкліканы дазвол на заключэньне кантракта з Расеяй з боку аднаго з найбуйнейшых вытворцаў вайсковай тэхнікі — групы «Rheinmetall». У сакавіку гэты праект быў прыпынены пасьля анэксіі Расеяй Крыма.

У 2011 годзе нямецкі вайсковы падрадчык «Rheinmetall» падпісаў кантракт на будаўніцтва цэнтра падрыхтоўкі з сымулятарам баявых дзеяньняў у Муліна, на паўдзённым захадзе Расеі, коштам прыблізна 100 мільёнаў эўра. Меркавалася, што ў ім можна будзе трэніраваць 30 тысяч расейскіх салдат штогод. «Rheinmetall» адстойваў свой праект нават пасьля ўварваньня Расеі ў Крым, пакуль нямецкі ўрад не настаяў на яго скасаваньні.

Цяперашняе рашэньне ў нямецкім урадзе патлумачылі ўведзенымі супраць Расеямі санкцыямі Эўразьвяза, якія прадугледжвацюь мараторый на продаж зброі РФ з прычыны яе дзеяньняў ва Ўкраіне.

XS
SM
MD
LG