Лінкі ўнівэрсальнага доступу

На ўсходзе Ўкраіны працягваюцца баі, у Луганску ёсьць ахвяры


У мінулыя суткі на ўсходзе Ўкраіны працягваліся баявыя дзеяньні паміж атрадамі узброеных прарасейскіх сэпаратыстаў і ўрадавымі войскамі. З ўстановак «Град» быў абстраляны блёкпост паблізу населеных пунктаў Стукалава Балка і Сабоўка. Абстрэлу падвергся і блёкпост каля пасёлку Земляное.

Штаб спэцапэрацыі заяўляе, што страт сярод вайскоўцаў няма.

У Данецку былі чутныя выбухі, па горадзе перасоўвалася цяжкая тэхніка. Трапленьнем артылерыйскага снараду часткова разбураны будынак сярэдняй школы ў Пятроўскім раёне горада, зьнішчаныя бліжэйшыя гаспадарчыя пабудовы. Мясцовыя ўлады паведамілі, што сярод гараджан ніхто не пацярпеў.

У Луганску пры абстрэле загінулі трое мірных жыхароў, яшчэ восем атрымалі раненьні. Пра гэта паведамляецца на сайце мэра Луганску Сяргея Краўчанкі. Пры абстрэлах пашкоджаныя гарадзкія камунальныя аб’екты. Дзясяткі тысяч жыхароў, як і ў папярэднія дні, застаюцца без электрычнасьці, у многіх кватэрах не працуе водазабесьпячэньне і каналізацыя, спыненая падача газу. У сувязі з трапленьнем снараду на тэрыторыю Луганскага прадпрыемства па ўтылізацыі адходаў пашкоджаныя многія аўтамабілі, што стварыла праблему вывазу сьмецьця.

XS
SM
MD
LG