Лінкі ўнівэрсальнага доступу

ЗША накіроўваюць украінскай арміі БТРы і ваенны рыштунак на 8 мільёнаў даляраў


Злучаныя Штаты ў бліжэйшы час паставяць Украіне ваенны рыштунак на суму 8 мільёнаў даляраў, паведаміла ў пятніцу міністэрства абароны ЗША.

Украіне будуць прадастаўленыя БТР, грузавыя і патрульныя аўтамабілі, біноклі, прыборы начнога бачаньня і ваенныя катэры.

Пэнтагон таксама падрыхтаваў плян падрыхтоўкі ўкраінскай нацыянальнай гвардыі, на ажыцьцяўленьне якога ён запытаў 19 мільёнаў даляраў. У рамках пляну, з пачатку наступнага году амэрыканскія ваенныя спэцыялісты зоймуцца навучаньнем чатырох рот нацыянальнай гвардыі Ўкраіны.

Злучаныя Штаты пакуль устрымліваюцца ад пастаўкі Кіеву баявой зброі. Гэта пацьвердзіў у пятніцу прэс-сакратар Пэнтагону адмірал Джон Кірбі.

Аднак амэрыканскія заканадаўцы заклікаюць Белы дом даць саюзнай дзяржаве, якая вядзе апэрацыю супраць сэпаратыстаў, якiя падтрымлiваюцца Расеяй, «абарончае ўзбраеньне», у тым ліку, супрацьтанкавыя ракеты. У чацьвер Карл Левін, старшыня сэнацкага камітэту па справах узброеных сілаў заявіў пра тое, што ўкраінская армія мае патрэбу ў зброі з тым, каб супрацьстаяць «расейскай агрэсіі».

XS
SM
MD
LG