Лінкі ўнівэрсальнага доступу

Лоеў памятае пра сваю бітву


Гісторык Мікалай Анісавец і бард Вальжына Цярэшчанка ля памятнага камня

Гісторык Мікалай Анісавец і бард Вальжына Цярэшчанка ля памятнага камня

Гомельскія сябры Таварыства беларускай мовы супольна з актывістамі райцэнтру Лоеў адзначылі знамянальную гістарычную дату — 365-годзьдзе перамогі войскаў гетмана ВКЛ Януша Радзівіла над 30-тысячнай арміяй казакоў.

Бітва адбылася 31 ліпеня 1649 году на самым поўдні цяперашняй Беларусі і ўвайшла ў гісторыю як Лоеўская бітва.

Мясцовы гісторык і дасьледчык тых падзеяў Мікалай Анісавец кажа, што армія казакоў мела ня менш як трохразовую перавагу па колькасці, але пацярпела паразу. У палон патрапіў і сам камандзір войска Міхайла Крычэўскі.

Чальцы грамадзкага аб’яднаньня садзейнічаньня захаваньню навакольнага асяродку і культурна-гістарычнай спадчыны «Карані» выявілі месца бітвы, усталявалі мэмарыяльныя знакі ў памяць загіблых у Лоеўскай бітве, на стане войск ВКЛ, на месцы Татарскага броду — сярэднявечнай пераправы на Дняпры.

Сёлета тут склалі жывыя кветкі.

Сябра «Беларускай асацыяцыі журналістаў» Марыя Булавінская да гістарычнай даты прэзэнтала жыхарам Лоеву дакумэнтальны фільм «Лоеўская бітва».

Паказаць камэнтары

XS
SM
MD
LG