Лінкі ўнівэрсальнага доступу

Беларускіх дыпляматаў эвакуавалі з Трыпалі


«З улікам крайняга абвастрэньня ваенна-палітычнай сытуацыі ў Трыпалі прынята рашэньне пра часовую эвакуацыю ў Туніс супрацоўнікаў беларускай амбасады ў Лібіі», — паведамілі БелаПАН у прэсавай службе МЗС.

Пры гэтым у МЗС падкрэсьлілі, што «амбасада працягне ажыцьцяўляць свае функцыі, уключаючы неабходныя кантакты зь лібійскімі ўладамі».

Пытаньне аб вяртаньні беларускай дыпмісіі ў Трыпалі будзе разгледжана з улікам далейшага разьвіцьця сытуацыі, адзначылі ў зьнешнепалітычным ведамстве.

«МЗС паўторна рэкамэндуе беларусам устрымацца ад наведваньня Лібіі», — заявілі ў прэсавай службе МЗС.

XS
SM
MD
LG