Калёна ваеннай тэхнікі з Расеі пераправілася празь Северскі Данец і заехала на тэрыторыю Ўкраіны, паведаміў сьпікер інфармацыйнага цэнтру Рады нацыянальнай бясьпекі і абароны Ўкраіны Андрэй Лысенка.
«Пераправіўшыся празь Северскі Данец з дапамогай пантонных мастоў, у Луганскую вобласьць пранікла калёна расейскай вайсковай тэхнікі, якая будзе перададзеная баевікам», сказаў ён.
Таксама, паводле Лысенкі, у Рады нацыянальнай бясьпекі ёсьць інфармацыя, што з Чачні ва Ўкраіну адправіўся эшалён «кадыраўцаў», у складзе якога ёсьць «ваенная тэхніка і жывая сіла баявікоў».