Лінкі ўнівэрсальнага доступу

Ужо сёньня, 30 ліпеня: Забарона назвы «Беларусь»


Ілюстрацыя з Календара Бахарэвіча

Ілюстрацыя з Календара Бахарэвіча

Падзеі і даты гэтага дня ў Беларусі, сьвеце, гісторыі.

ПАДЗЕІ ДНЯ

Міжнародны дзень барацьбы супраць гандлю людзьмі.

Менск, у консульска-прававым аддзеле пасольства Нямеччыны (пр. Газэты «Праўда», 11д) адбудзецца прэзэнтацыя вынікаў апытаньня «Дзелавы клімат у Рэспубліцы Беларусь 2014».

Велаэкскурсія з пахам хмелю «Менск графа Чапскага». Падарожжа ў Менск канца XIX стагодзьдзя, калі правінцыйны губэрнскі горад пачаў пакрысе набываць рысы эўрапейскай сталіцы. Падчас экскурсіі – наведаньне музэя піўзавода «Аліварыя». Старт а 18:30 ад
велапракату «Адпачынак» (Менск, Набярэжная Сьвіслачы насупраць Траецкага прадмесьця). Кошт: 50 000 - 75 000. Тэлефон: +375297040018.

ТАКСАМА Ў ГЭТЫ ДЗЕНЬ

1502 – Хрыстафор Калюмб адкрыў Гандурас.

Ты ніколі не перасягнеш акіян, калі не набярэсься сьмеласьці страціць з-пад увагі бераг.

Хрыстафор Калюмб

1840 – цар Мікалай I забараніў выкарыстаньне назвы «Беларусь» ды загадаў выкарыстоўваць замест яе назву «губэрні Паўночна-Заходняга краю».

1898 – пуск першага трамвая ў Віцебску.

1905 – Альбэрт Айнштайн апублікаваў артыкул «Да электрадынамікі рухомых целаў», у якім выклаў асновы спэцыяльнай тэорыі адноснасьці.

Вы думаеце, усё так проста? Усё проста. Але зусім ня так.

Альбэрт Айнштайн

1956 – у савецкіх газэтах апублікаваная пастанова ЦК КПСС «Аб пераадоленьні культу асобы і яго наступстваў».

1960 – СССР і Кітай абвясьцілі аб ідэалягічным расколе.

1960 – былая калёнія Бэльгіі, якая дамаглася незалежнасьці, абвяшчае сябе Рэспублікай Конга. Прэзыдэнтам краіны робіцца Жазэф Касавубу, прэм’ер-міністрам — Патрыс Лумумба.

У гэты дзень нарадзіліся:

1796 – Ігнат Легатовіч, беларускі і польскі паэт, пэдагог.

1863 – Генры Форд, амэрыканскі прамысловец.

Перашкоды – гэта рэчы, якія палохаюць і якія зьяўляюцца, калі вы перастаяце глядзець на сваю мэту.

Генры Форд

1871 – Віктар Чавусаў, беларускі грамадзкі дзяяч, журналіст.

1911 – Чэслаў Мілаш, польскі літаратар, ляўрэат Нобэлеўскай прэміі ў галіне літаратуры.

Дзяржава, нават ламаючы і падпарадкоўваючы сабе мастака ці навукоўца, тым самым выражае пашану яго ролі, прызнае яго вагу.

Чэслаў Мілаш

1917 – Ціхан Кісялёў, колішні першы сакратар ЦК КПБ.

1948 – Захар Шыбека, беларускі гісторык, прафэсар.

Беларусы спраўдзіліся як нацыя, бо ў нас зьявіліся нацыянальныя героі.

Захар Шыбека

1954 – Іван Паўлоўскі, беларускі пэдагог.

1958 – Сяргей Рассадзін, беларускі гісторык.

З КАЛЕНДАРА БАХАРЭВІЧА

Memento Medininkai. 30 ліпеня 1991 учынены напад на літоўскі памежны пункт каля Меднікаў

Паказаць камэнтары

XS
SM
MD
LG