Лінкі ўнівэрсальнага доступу

Расея называе санкцыі Японіі «недружалюбным крокам»


Міністар замежных справаў Расеі Сяргей Лаўроў

Міністар замежных справаў Расеі Сяргей Лаўроў

Міністэрства замежных спраў Расеі назвала абвешчаныя Японіяй 28 ліпеня дадатковыя санкцыі супраць Масквы «недружалюбным і недальнабачным крокам».

У камэнтары, апублікаваным на сайце МЗС Расеі, гаворыцца, што пазыцыя Токіё заснавана на «глыбока памылковым уяўленьні аб рэальных прычынах таго, што адбываецца ва Ўкраіне».

У МЗС Расеі заяўляюць, што неаднаразовыя запэўніваньні Токіё аб намеры працягваць намаганьні па разьвіцьці адносін з Масквой — толькі «шырма», якая затуляе няздольнасьць японскіх палітыкаў выйсьці з «кільватэру Вашынгтону і праводзіць самастойную лінію».

Учора Японія абвясьціла аб намеры ўвесьці супраць Расеі дадатковыя санкцыі ў сувязі з сытуацыяй ва Ўкраіне. Санкцыі закрануць рахункі фізычных асоб і груп, якія непасрэдна былі ўцягнутыя ў анэксію Крыму і ўзмацненьне нестабільнасьці на ўсходзе Ўкраіны, растлумачылі ва ўрадзе краіны.

Акрамя таго, Японія ўсьлед за Эўрапейскім банкам рэканструкцыі і разьвіцьця замарозіць фінансаваньне новых праектаў у Расеі, а таксама накладзе абмежаваньні на імпарт прадуктаў з Крыму. Санкцыі ўступяць у сілу пасьля ўхваленьня ўрадам.

Пасьля анэксіі Крыму ЭЗ, ЗША, Канада, Японія ды іншыя краіны ўвялі пэрсанальныя санкцыі ў дачыненьні да асоб у Расеі, якія маюць дачыненьне да гэтых незаконных дзеяньняў.

Паказаць камэнтары

XS
SM
MD
LG