Лінкі ўнівэрсальнага доступу

У Менску ва ўгоду «Газпрому» зносяць архітэктурную адметнасьць (ФОТА)


Узьведзены дзесяць год таму будынак зьнішчаецца, бо пляцоўка, на якім ён разьмешчаны, спадабалася гаспадарам «Газпрому».

За арыгінальнае архітэктурнае рашэньне, высокія мастацкія якасьці галоўны архітэктар аўтавакзалу «Маскоўскі» Мікалай Навумаў у 2003 годзе атрымаў Дзяржаўную прэмію Беларусі. А ў 2011 годзе месца, дзе знаходзіцца аўтавакзал, прыглянулася кіраўніку «Газпрому» Аляксею Мілеру. У выніку будынак зьносяць, каб на гэтым месцы зьявіліся офіс «Газпраму», бізнэс-цэнтры, гандлёвыя і забаўляльныя комплексы.

Маскоўскі аўтавакзал грамадзкасьць спрабавала адстаяць. Сабралі больш за 5 тысяч подпісаў на паперы, і 6 тысяч — электронных. Кіраўнік ініцыятыўнай групы Віктар Талмачоў зьвяртаўся ў дзясяткі інстанцыяў, пачынаючы ад Першамайскага райвыканкаму, Менгарвыканкаму, Менгарсавету. Хадзіў на прыёмы да міністраў, у адміністрацыю прэзыдэнта. Напісаў звароты і ў Маскву, Пуціну, але марна.

Паказаць камэнтары

XS
SM
MD
LG