Лінкі ўнівэрсальнага доступу

logo-print

ЗША: Боінг быў зьбіты расейскай ракетай, перададзенай сэпаратыстам


Таксама амэрыканская выведка прызнала сапраўдным аўдыёзапіс размовы сэпаратыстаў, у якім яны прызнаюць, што зьбілі грамадзянскі самалёт.

ЗША маюць дадзеныя, якія сьведчаць пра тое, што ракета «зямля-паветра», якой быў зьбіты малайзійскі самалёт, была перададзена Расеяй сэпаратыстам на ўсходзе Украіны.

Пра гэта заявіў дзяржсакратар ЗША Джон Кэры ў нядзелю ў эфіры тэлеканалу CNN.

Паводле яго слоў, ЗША ўпэўненыя, што на тэрыторыі, дзе адбылося крушэньне лайнэра, украінскі ўрад ня меў зэнітных установак «Бук».

Кэры дадаў, што ў бліжэйшы час адбудзецца размова паміж прэзыдэнтамі ЗША і Расеі.

Амэрыканская выведка прызнала сапраўдным аўдыёзапіс размовы сэпаратыстаў, у якім яны прызнаюць, што зьбілі грамадзянскі самалёт. Пра гэта гаворыцца ў заяве амбасады Злучаных Штатаў у Кіеве.

Паказаць камэнтары

XS
SM
MD
LG