Лінкі ўнівэрсальнага доступу

logo-print

Дзяржсакратар ЗША занепакоены хадой расьсьледаваньня крушэньня Боінга


Дзяржаўны сакратар ЗША Джон Кэры заявіў аб неабходнасьці забясьпечыць бесьперашкодны доступ сьледчай групы да месца падзеньня малайзійскага пасажырскага самалёта на ўсходзе Ўкраіны. Кэры выказаў сваю пазыцыю ў суботу ў тэлефоннай размове зь міністрам замежных справаў Расеі Сяргеем Лаўровым.

Кіраўнік дыпляматычнага ведамства ЗША выказаў асаблівую занепакоенасьць у сувязі з паведамленьнямі аб тым, што парэшткі каля трохсот ахвяраў і абломкі самалёта маглі апынуцца перамешчанымі або перайначанымі.

Кэры выказаў Лаўрову заклапочанасьць у сувязі з адсутнасьцю «належнага доступу» назіральнікаў АБСЭ і членаў міжнароднай сьледчай групы да месца падзеньня самалёта.

Украіна абвінаваціла прарасейскіх сэпаратыстаў у спробах парушыць недатыкальнасьць ахвяраў і рэчавых доказаў на месцы падзеньня «Боінга».

XS
SM
MD
LG