Прэзыдэнт Украіны Пётр Парашэнка падчас тэлефоннай размовы са сваім польскім калегам Браніславам Камароўскім заявіў, што сэпаратысты зьдзекуюцца над загінуўшымі у авіякатастрофе над Данецкам.
Пра гэта паведамляе прэсавая служба кіраўніка ўкраінскай дзяржавы:
«Тэрарысты робяць ужо другое міжнароднае злачынства. Спачатку, калі зьбілі самалёт, што пацягнула гібель 298 чалавек, а цяпер зьдзекуючыся над загіблымі».
Паводле Парашэнкі, тыя, хто маюць дачыненьне да тэрарыстычнага акту, ня могуць быць бокам на перамовах па ўрэгуляваньню сытуацыі ў Данбасе:
«Іх злачынства павінна быць расьсьледавана ў міжнародных судах. Тым боль фактычна ўсе яны з’яўляюцца грамадзянамі Расеі і ня могуць весьці размовы аб лёсе Ўкраіны».