Лінкі ўнівэрсальнага доступу

Cёньня заканчваецца чэмпіянат сьвету па футболе


У Бразыліі ў горадзе Рыа-дэ-Жанейра на стадыёне «Маракана» сёньня адбудзецца фінал 20-га чэмпіянату сьвету па футболе. У вырашальным матчы сустрэнуцца каманды зь Нямеччыны і Аргентыны.

Зборная Нідэрляндаў у матчы за трэцяе месца напярэдадні абыграла гаспадароў турніру бразыльцаў 3:0. Лік у матчы адкрыў капітан галяндцаў Робін ван Пэрсі, забіўшы гол з пэнальці на трэцяй хвіліне матчу. Ужо на 17-й хвіліне другі гол у браму бразыльцаў забіў абаронца галяндцаў Дэлі Блінд. У дададзены да другога тайму час зборная аранжавых правяла яшчэ адну дзейсную атаку. Зборная Нідэрляндаў упершыню ў сваёй гісторыі заваявала бронзавыя мэдалі чэмпіянату сьвету па футболе.

Зборная Бразыліі на лаўцы запасных

Зборная Бразыліі на лаўцы запасных

Бразылія за апошнія два матчы на сусьветным першынстве прапусьціла 10 мячоў, сем — ад зборнай Германіі ў паўфінале мундыялю, і тры — у супрацьстаяньні з камандай з Нідэрляндаў. Усяго ў браму бразыльцаў на цяперашнім чэмпіянаце сьвету было забіта 13 галоў. Гэта найгоршы вынік зборнай з 1938 году. Тады каманда прапусьціла 11 мячоў. Нягледзячы на няўдалы выступ, галоўны трэнэр зборнай Бразыліі па футболе Луіс Фэліпэ Скаляры не плянуе сыходзіць з каманды. Чакаецца, што футбольная фэдэрацыя краіны прыме рашэньне аб далейшым лёсе бразыльскага настаўніка ў зборнай на працягу бліжэйшага тыдня.

Нідэрлянды - Бразылія

Нідэрлянды - Бразылія

Скаляры ўзначаліў зборную Бразыліі ў 2012 годзе. У чэрвені 2013 бразыльцы пад яго кіраўніцтвам сталі пераможцамі Кубку Канфэдэрацыі, абыграўшы ў фінале каманду Гішпаніі зь лікам 3:0.

XS
SM
MD
LG