У Луганскай вобласьці ўзброеныя сэпаратысты абстралялі з установак «Град» пазыцыі ўкраінскай арміі. Пры абстрэле, які адбыўся ноччу, загінуў адзін вайсковец, 17 параненыя. Пра гэта паведамляюць у Дзяржаўнай памежнай службе краіны.
Артылерыя ўкраінскай арміі адкрыла агонь у адказ, у паветра былі паднятыя зьнішчальнікі.
На расейска-ўкраінскай мяжы адкрытыя тры памежныя пункты пропуску, праца якіх раней была прыпыненая з-за страляніны на тэрыторыі Ўкраіны.
Раней паступалі паведамленьні пра тое, што ў пятніцу ўвечары ўкраінская авіяцыя нанесла ўдары па базе сэпаратыстаў на тэрыторыі шахты «Новая» у раёне горада Краснадон ў Луганскай вобласьці. Так званыя апалчэнцы, у сваю чаргу, зь цяжкай артылерыі абстралялі горад Дзяржынск ў Данецкай вобласьці.
