Вайсковую частку 3004 Нацыянальнай гвардыі ў Данецку акружыла група з 200 невядомых узброеных людзей, якія назвалі сябе групоўкай «Кальміюс». Яны пачалі штурм вайсковай часткі ў чацьвер увечары.
Невядомыя мелі аўтаматы, гранатамёты, мінамёты, буйнакалібэрныя кулямёты і браняваную разьведвальна-дазорную машыну.
«Першая спроба штурму была адбітая вайскоўцамі. З боку нападнікаў пяць чалавек параненыя. Вайскоўцы падчас штурму не пацярпелі», – гаворыцца ў паведамленьні.
Нападнікі патрабавалі ад вайскоўцаў скласьці зброю і перайсьці на бок сэпаратыстаў.