Пра гэта напісаў у Facebook кіраўнік групы інфармаваньня аб антытэрарыстычнай апэрацыі Ўладзіслаў Селязьнёў. Паводле яго зьвестак, гелікоптэр быў зьбіты ракетай з пераноснага зэнітнага комплексу (ПЗРК) у раёне гары Карачун. На борце знаходзіліся 9 чалавек. Паводле папярэдняй інфармацыі, усе яны загінулі, піша Селязьнёў.
Ён адзначае, што Мі-8 вяртаўся з украінскага блёкпосту пасьля выкананьня задачы па дастаўцы грузаў. На борце знаходзіліся спэцыялісты, якія ўсталёўвалі апаратуру з мэтай адсочваньня выпадкаў парушэньня пляну мірнага ўрэгуляваньня на ўсходзе Ўкраіны. «Баевікі, выпусьціўшы ракету, схаваліся ў бліжэйшай вёсцы Былбасаўка», - піша Селязьнёў.